நீங்கள் தேடியது "பஜாஜ் ஆட்டோ"

பஜாஜ் ஆட்டோ நிறுவனம் 2023 பல்சர் 220F மோட்டார்சைக்கிளை இந்திய சந்தையில் அறிமுகம் செய்தது. புதிய பல்சர் மோட்டார்சைக்கிள் சத்தமின்றி அறிமுகம் செய்யப்பட்டு இருக்கிறது. முற்றிலும் புதிய மாடல் என்ற போதிலும் இதன் டிசைன் அதன் முந்தைய வெர்ஷனை போன்றே காட்சியளிக்கிறது. இதன் முன்புறம் மெல்லிய தோற்றம், கூர்மையான சைடு பேனல்கள் உள்ளன.

இத்துடன் க்ளிப் ஆன் ஹேண்டில்பார்கள், ஸ்ப்லிட் சீட்கள், 2 பீஸ் கிராப் ரெயில் உள்ளிட்டவையும் எவ்வித மாற்றமும் இன்றி அப்படியே வழங்கப்பட்டு இருக்கிறது. 2023 பஜாஜ் பல்சர் மாடலில் ஒற்றை மாற்றமாக OBD-2 விதிகளுக்கு பொருந்தும் எஞ்சின் உள்ளது. இது ரியல்-டைம் காற்று மாசு ஏற்படுவதை டிராக் செய்கிறது.

இவைதவிர 220சிசி, சிங்கில் சிலிண்டர் மோட்டார் 20.11 ஹெச்பி பவர், 18.55 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த எஞ்சினுடன் 5 ஸ்பீடு கியர்பாக்ஸ் வழங்கப்பட்டு இருக்கிறது. 2023 மாடலில் முன்புறம் டெலிஸ்கோபிக் ஃபோர்க்குகள், பின்புறம் கியாஸ் சார்ஜ் செய்யப்பட்ட ரியர் ஷாக்குகள் உள்ளன.

பிரேகிங் ஹார்டுவேரை பொருத்தவரை முன்புறம் ஒற்றை டிஸ்க், பின்புறம் டிஸ்க் பிரேக் மற்றும் ஏபிஎஸ் வழங்கப்பட்டு இருக்கிறது. இந்த மாடலில் எல்இடி ப்ரோஜெக்டர் ஹெட்லேம்ப்கள், டிஆர்எல்கள், பல்பு இண்டிகேட்டர்கள் உள்ளன. இதில் செமி-டிஜிட்டல் இன்ஸ்ட்ரூமெண்ட் கன்சோல், அனலாக் டக்கோமீட்டர், டிஜிட்டல் ஸ்கிரீன் இடம்பெற்று இருக்கிறது.

இந்திய சந்தையில் 2023 பஜாஜ் பல்சர் 220F மாடலின் விலை ரூ. 1 லட்சத்து 37 ஆயிரத்து 126, எக்ஸ்-ஷோரூம் என நிர்ணயம் செய்யப்பட்டு உள்ளது. இது பல்சர் 220F முந்தைய வெர்ஷனை விட ரூ. 3 ஆயிரம் வரை விலை அதிகம் ஆகும்.

பஜாஜ் ஆட்டோ மற்றும் டிரையம்ப் மோட்டார்சைக்கிள்ஸ் நிறுவனங்கள் கூட்டணியில் உருவாகும் முதல் மோட்டார்சைக்கிள் இந்த ஆண்டு அறிமுகம் செய்யப்படும் என தகவல் வெளியாகி உள்ளது. மேலும் இந்த மோட்டார்சைக்கிள் அறிமுகமாகும் முதல் நாடுகளில் ஒன்றாக இந்தியா இருக்கும் என கூறப்படுகிறது.

தற்போதைய 790சிசி சீரிசின் கீழ் நிலைநிறுத்தப்பட இருக்கும் 490சிசி மோட்டார்சைக்கிளை கேடிஎம் நிறுவனம் நிறுத்த இருப்பதாக தகவல் வெளியாகி இருந்தது ரசிகர்களை ஏமாற்றத்தில் ஆழ்த்தி இருந்தது. பேரலெல் டுவின் மாடல் என்ற வகையில், 490சிசி மாடல் அதிக செலவின்றி போதுமான செயல்திறன் வழங்கும் என எதிர்பார்க்கப்பட்டது.

கேடிஎம் நிறுவனம் அடுத்த தலைமுறை டியூக் சீரிஸ் மாடல்களை இந்தியாவில் அறிமுகம் செய்யும் பணிகளில் ஈடுபட்டு வருகிறது. இவை 2024 வாக்கில் இந்தியாவில் அறிமுகம் செய்யப்படலாம். கேடிஎம் ஏஜி நிறுவனத்தின் நிர்வாக குழு தலைவர், தலைமை செயல் அதிகாரி ஸ்டீஃபன் பைரர் அளித்த சமீபத்திய பேட்டியில் சில தகவல்களை வழங்கியுள்ளார்.

அதன்படி, புதிதாக 650சிசி அல்லது 690சிசி மாடல் ஒன்று உருவாக்கப்பட்டு வருகிறது. புதிய மாடல் 790சசிசி பேரலல் டுவின் பிளாட்ஃபார்மை தழுவி உருவாக்கப்பட்டு வருகிறது. மேலும் இந்தியாவில் உள்ள பஜாஜ் ஆலையில், இதனை உற்பத்தி செய்வதற்கான பேச்சுவார்த்தைகள் நடைபெற்று வருகிறது. அடுத்த இரண்டு ஆண்டுகளுக்குள் இந்த மாடல் அறிமுகம் செய்யப்படலாம்.

கேடிஎம் திட்டப்படி இது நேக்கட், சூப்பர்ஸ்போர்ட் அல்லது அட்வென்ச்சர் மாடலாக இருக்கும் என்றே தெரிகிறது. பஜாஜ் ஆட்டோ உடனான கூட்டணி பற்றி பேசும் போது, பஜாஜ் மற்றும் டிரையம்ப் நிறுவனங்கள் கூட்டணியில் உருவாகும் முதல் மோட்டார்சைக்கிள் இந்த ஆண்டு செப்டம்பர் முதல் நவம்பர் மாதங்களுக்குள் அறிமுகம் செய்யப்படும் என தெரிவித்தார். 

Photo Courtesy: motorcyclenews 

பஜாஜ் ஆட்டோ நிறுவனம் இந்திய சந்தையில் தனது NS160 மற்றும் NS200 மாடல்களை அப்டேட் செய்து இருக்கிறது. புதிய பஜாஜ் பல்சர் NS160 மாடலின் விலை ரூ. 1 லட்சத்து 35 ஆயிரம் என்றும் NS200 மாடல் விலை ரூ. 1 லட்சத்து 47 ஆயிரம் என்றும் நிர்ணயம் செய்யப்பட்டு உள்ளது. இது இரு மாடல்களின் முந்தைய விலைகளை விட முறையே ரூ. 10 ஆயிரம், ரூ. 7 ஆயிரம் அதிகம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

2012 வாக்கில் அறிமுகம் செய்யப்பட்ட NS200 மாடல் இதுவரை சிறு அப்டேட்களையே பெற்று வந்தது. இந்த நிலையில், 2023 பஜாஜ் பல்சர் NS160 மற்றும் NS200 மாடல்கள் அதிகளவு மாற்றங்கள் மேற்கொள்ளப்பட்டு இருக்கிறது. இரு மாடல்களிலும் அப்சைடு-டவுன் ஃபோர்க்குகளையும், டூயல் சேனல் ஏபிஎஸ் ஸ்டாண்டர்டு அம்சமாக வழங்கப்பட்டு இருக்கிறது.

இரு மாற்றங்கள் தவிர இதன் மெக்கானிக்கல் அம்சங்களில் எவ்வித மாற்றமும் மேற்கொள்ளப்படவில்லை. அந்த வகையில் பல்சர் NS160 மாடலில் ஆயில் கூல்டு 160.3சிசி சிங்கில் சிலிண்டர் மோட்டார் கொண்டிருக்கிறது. இந்த என்ஜின் 17.2 ஹெச்பி பவர், 14.6 நியூட்டன் மீட்டர் டார்க் இழுவிசையை வெளிப்படுத்துகிறது.

பல்சர் NS200 மாடலில் லிக்விட் கூல்டு 199.5சிசி என்ஜின் வழங்கப்பட்டு இருக்கிறது. இந்த என்ஜின் 24.5 ஹெச்பி பவர், 18.7 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இருவித என்ஜின்கள் தவிர, இரு மாடல்களும் ஒரேமாதிரியாகவே காட்சியளிக்கிறது. NS200 மாடலில் சற்றே அகலமான டயர்கள் வழங்கப்பட்டு உள்ளன.

பஜாஜ் நிறுவனம் 2023 செட்டக் பிரீமியம் மாடலை இந்திய சந்தையில் அறிமுகம் செய்து இருக்கிறது. புதிய பஜாஜ் செட்டக் விலை ரூ. 1 லட்சத்து 51 ஆயிரத்து 910, எக்ஸ்-ஷோரூம் என நிர்ணயம் செய்யப்பட்டு உள்ளது. புதிய மாடலில் மேம்பட்ட மற்றும் அளவில் பெரிய இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது. இதுதவிர 2023 பஜாஜ் செட்டக் மாடல்: மேட் கோர்ஸ் கிரே, கரீபியன் புளூ மற்றும் சாடின் பிளாக் என மூன்று புதிய நிறங்களில் கிடைக்கிறது.

இத்துடன் டூ-டோன் சீட், பாடி நிறத்தால் ஆன ரியர் வியூ மிரர்கள், சாடின் கிராப் ரெயில் வழங்கப்பட்டு இருக்கிறது. இந்த ஸ்கூட்டரின் ஹெட்லைட் கேசிங் மற்றும் ப்ளின்கர்கள் சார்கோல் பிளாக் நிறம் பூசப்பட்டுள்ளன. இவைதவிர புதிய பஜாஜ் செட்டக் மாடலில் ஸ்மார்ட்போன் கனெக்டிவிட்டி கொண்ட டிஜிட்டல் கன்சோல், ஸ்பீடோமீட்டர், ஒடோமீட்டர், ட்ரிப் மீட்டர், இரண்டு ரைடிங் மோட்கள், டிடிஇ ரீட்அவுட் போன்ற வசதிகள் உள்ளன.

மெட்டல் பாடிவொர்க் மட்டுமின்றி செட்டக் மாடலின் முன்புறம் ஒற்றை ஸ்ப்ரிங் மற்றும் பின்புறத்தின் மோனோஷாக் யூனிட் வழங்கப்பட்டு இருக்கிறது. பிரேக்கிங்கிற்கு முன்புறம் டிஸ்க் பிரேக், பின்புறத்தில் டிரம் பிரேக் மற்றும் சிபிஎஸ் வசதி உள்ளது. இந்த எலெக்ட்ரிக் ஸ்கூட்டர் 12-இன்ச் அலாய் வீல்களை கொண்டிருக்கிறது.

2023 பஜாஜ் செட்டக் எலெக்ட்ரிக் மாடலில் 3.8 கிலோவாட் ஹவர் மோட்டார் மற்றும் 3 கிலோவாட் ஹவர் பேட்டரி வழங்கப்பட்டு இருக்கிறது. இந்த எலெக்ட்ரிக் ஸ்கூட்டர் மணிக்கு அதிகபட்சம் 60 கிலோமீட்டர் வேகத்தில் செல்லும் திறன் கொண்டிருக்கிறது. மேலும் முழு சார்ஜ் செய்தால் அதிகபட்சம் 107 கிலோமீட்டர் வரை செல்லும். சாதாரண சார்ஜர் கொண்டு இதன் பேட்டரி முழுமையாக சார்ஜ் செய்ய நான்கு மணி நேரங்களும் ஆகும்.

இதில் வழங்கப்பட்டு இருக்கும் பேட்டரி அதிகபட்சம் ஏழு ஆண்டுகள் அல்லது 70 ஆயிரம் கிலோமீட்டர்கள் வரை மாற்ற வேண்டிய அவசியம் இருக்காது என பஜாஜ் ஆட்டோ நிறுவனம் தெரிவித்து இருக்கிறது.

யுலு மற்றும் பஜாஜ் ஆட்டோ நிறுவனங்கள் இணைந்து மிராகில் GR மற்றும் DeX GR மாடல்களை இந்திய சந்தையில் அறிமுகம் செய்து இருக்கிறது. இரு மாடல்களும் யுலு நிறுவனத்தின் ஏஐ சார்ந்த தொழில்நுட்பத்தில் உருவாக்கப்பட்டு பஜாஜ் ஆட்டோ நிறுவனத்தால் உற்பத்தி செய்யப்பட இருக்கிறது. இவற்றை செட்டாக் டெக்னாலஜி லிமிடெட் நிறுவனத்தால் விற்பனை செய்யப்படுகிறது.

மிராகில் GR தனிநபர் பயன்பாட்டு வாகனம் ஆகும். இதனை குறைந்த தூர போக்குவரத்துக்கு ஏற்ற வாகனமாக உருவாக்கப்பட்டு இருக்கிறது. இந்த மாடல் மணிக்கு அதிகபட்சம் 25 கிலோமீட்டர் வேகத்தில் செல்லும் திறன் கொண்டுள்ளது. DeX GR மாடல் வினியோக பயன்பாட்டுக்கு ஏற்றதாக உருவாக்கப்பட்டு இருக்கிறது. இதில் அதிகபட்சம் 15 கிலோ எடையை சுமந்து செல்ல முடியும்.

இரு எலெக்ட்ரிக் ஸ்கூட்டர்களிலும் ஹெட்லைட், டெயில்லைட், டெலிஸ்கோபிக் முன்புற ஃபோர்க்குகள், ரியர் ஸ்ப்ரிங்குகள், இரு வீல்களிலும் டிரம் பிரேக்குகள் உள்ளன. கடந்த மூன்று மாதங்களில் இந்த எலெக்ட்ரிக் மொபிலிட்டி நிறுவனம் நாடு முழுக்க முக்கிய நகரங்களில் சுமார் ஒரு லட்சம் வாகனங்களை இயக்க ஆயத்தமாகி இருக்கிறது.

இந்த ஆண்டு இறுதிக்குள் யுலு நிறுவனம் வருவாயை பத்து மடங்கு வரை அதிகப்படுத்த திட்டமிட்டு வருகிறது. பஜாஜ் ஆட்டோ உடனான கூட்டணி மூலம் யுலு நிறுவனம் செலவீனங்களை குறைப்பது மற்றும் ஒட்டுமொத்த நிதி மேலான்மையை மேம்படுத்தி, உள்நாட்டு உதிரிபாகங்களை பயன்படுத்துகிறது.

யுலு ஃப்ளீட்டில் கழற்றி மாற்றக்கூடிய பேட்டரிகள் உள்ளன. இவை யுமா எனர்ஜி மூலம் சார்ஜிங் வசதி வழங்கப்படுகிறது. தற்போது பெங்களூரு, மும்பை மற்றும் டெல்லி பகுதிகளில் சுமார் 100 யுமா ஸ்டேஷன்கள் உள்ளன. 2024 வாக்கில் இந்த எண்ணிக்கையை 500 ஆக அதிகப்படுத்த இந்நிறுவனம் இலக்கு நிர்ணயம் செய்துள்ளது.

இந்திய சந்தையில் மிகவும் கடினமான பிஎஸ்6 2 புகை விதிகள் இந்த ஆண்டு ஏப்ரல் மாதத்தில் அமலுக்கு வர இருக்கிறது. இந்த நிலையில், ஆட்டோமொபைல் நிறுவனங்கள் பிஎஸ்6 யூனிட்களை வேகமாக விற்று முடிக்க திட்டமிட்டு வருகின்றன. இதன் காரணமாக ஏராளமான தள்ளுபடி மற்றும் சலுகைகள் அறிவிக்கப்பட்டுள்ளன.

பஜாஜ் டாமினர் 400 பிஎஸ்6 மாடலுக்கு அதிரடி தள்ளுபடி அறிவிக்கப்பட்டு இருக்கிறது. தள்ளுபடி மட்டுமின்றி பஜாஜ் நிறுவனம் மிக குறைந்த முன்பணத்தில் டாமினர் 400 மாடலை விற்பனை செய்து வருகிறது. டாமினர் 400 மாடலுக்கு பஜாஜ் தற்போது ரூ. 25 ஆயிரம் வரையிலான தள்ளுபடி வழங்கப்படுகிறது. இதன் காரணமாக டாமினர் 400 விலை தற்போது ரூ. 1 லட்சத்து 99 ஆயிரத்து 991, எக்ஸ்-ஷோரூம் என மாறி இருக்கிறது.

இந்த தள்ளுபடி டாமினர் 400 பிஎஸ்6 யூனிட்களை வேகமாக விற்று முடிக்கவே அறிவிக்கப்பட்டு இருக்கும் என தெரிகிறது. இந்திய சந்தையில் 2016 வாக்கில் அறிமுகம் செய்யப்பட்ட பஜாஜ் டாமினர் 400 விலை ரூ. 1 லட்சத்து 36 ஆயிரம், எக்ஸ்-ஷோரூம் என நிர்ணயம் செய்யப்பட்டு இருந்தது. பின் பஜாஜ் டாமினர் 400 விலை பலமுறை உயர்த்தப்பட்டு இருக்கிறது. விலை உயர்வுக்கு ஏற்ற வகையில், டாமினர் 400 மாடலில் புதிய அம்சங்கள் மற்றும் மெக்கானிக்கல் அப்டேட்கள் செய்யப்பட்டுள்ளன.

அம்சங்களை பொருத்தவரை பஜாஜ் டாமினர் 400 மாடலில் 373சிசி, சிங்கில் சிலிண்டர், லிக்டிவ் கூல்டு, DOHC என்ஜின் வழங்கப்பட்டு இருக்கிறது. இந்த என்ஜின் 39.4 ஹெச்பி பவர், 35 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் மற்றும் ஸ்லிப்பர் கிளட்ச் வழங்கப்பட்டு இருக்கிறது. டாமினர் 400 மாடலில் 43mm யுஎஸ்டி ஃபோர்க்குகள், மோனோ-ஷாக் சஸ்பென்ஷன் உள்ளது.

பிரேக்கிங்கிற்கு பஜாஜ் டாமினர் 400 மாடலின் முன்புறத்தில் 320mm டிஸ்க் பிரேக், பின்புறம் 230mm டிஸ்க் பிரேக் வழங்கப்பட்டு இருக்கிறது. இத்துடன் டூயல் சேனல் ஏபிஎஸ் வழங்கப்பட்டுள்ளது.

இந்திய சந்தையில் ஸ்கூட்டர் வாங்குவோரின் முதல் தேர்வாக பஜாஜ் இருந்து வந்தது. தற்போது ஸ்கூட்டர் பிரிவில் பஜாஜ் நிறுவனம் எந்த மாடலையும் விற்பனை செய்வதில்லை. சமீபத்தில் தான் பஜாஜ் நிறுவனம் செட்டாக் எலெக்ட்ரிக் ஸ்கூட்டர் மூலம் இந்திய ஸ்கூட்டர் பிரிவில் ரி-எண்ட்ரி கொடுத்தது. 2022 ஆண்டில் மட்டும் கிட்டத்தட்ட 30 ஆயிரம் செட்டாக் யூனிட்களை பஜாஜ் விற்பனை செய்தது.

இந்த எண்ணிக்கை மேலும் அதிகரிக்கும் என எதிர்பார்க்கப்படுகிறது. இதுதவிர 2023 ஆண்டிற்கு புதிய வேரியண்டை அறிமுகம் செய்யும் பணிகளில் பஜாஜ் ஈடுபட்டு வருவதாக கூறப்படுகிறது. புதிய ஸ்கூட்டரின் பேட்டரி திறன் எவ்வித மாற்றமும் பெறாது என்றே தெரிகிறது. எனினும், புதிய ஸ்கூட்டர் மென்பொருள், கண்ட்ரோலர் அல்காரிதம்களில் மாற்றங்கள் செய்யப்படலாம்.

முன்னதாக 2021 டிசம்பர் மாத வாக்கில் வெளியான தகவல்களின் படி பஜாஜ் நிறுவனம் செட்டாக் ஸ்கூட்டரின் திறனை அதிகப்படுத்த இருப்பதாக கூறப்பட்டது. பஜாஜ் செட்டாக் மாடல் அர்பேன் மற்றும் பிரீமியம் என இருவித வேரியண்ட்களில் கிடைக்கிறது. தற்போதைய தகவல்களில் செட்டாக் பிரீமியம் வேரியண்ட் பற்றிய விவரங்கள் மட்டுமே இடம்பெற்று இருக்கிறது.

புதிய பஜாஜ் செட்டாக் மாடல் 2423 குறியீட்டு பெயர் கொண்டிருக்கிறது. இது பிரீமியம் வேரியண்டில் மட்டுமே கிடைக்கும் என கூறப்படுகிறது. இந்த மாடலில் 50.4 வோல்ட் 57.24 Ah பேட்டரி வழங்கப்படுகிறது. இத்துடன் 4.2 கிலோவாட் பீக் பவர் வெளிப்படுத்தும் மோட்டார் வழங்கப்படுகிறது. புதிய செட்டாக் மாடல் முழு சார்ஜ் செய்தால் 108 கிலோமீட்டர் வரை செல்லும் என தெரிகிறது. 

பஜாஜ் ஆட்டோ நிறுவனம் ABS வசதி கொண்ட தனது பிளாட்டினா 110 ABS மோட்டார்சைக்கிளை இந்திய சந்தையில் அறிமுகம் செய்து இருக்கிறது. புதிய பஜாஜ் பிளாட்டினா 110 ABS மாடலின் விலை ரூ. 72 ஆயிரத்து 224, எக்ஸ்-ஷோரூம் என நிர்ணயம் செய்யப்பட்டு உள்ளது. எண்ட்ரி லெவல் கம்யுட்டர் பிரிவில் இத்தகைய பாதுகாப்பு வசதியுடன் அறிமுகமாகி இருக்கும் ஒரே மோட்டார்சைக்கிள் என்ற பெருமையை புதிய பிளாட்டினா 110 ABS பெற்று இருக்கிறது.

புதிய பிளாட்டினா 110 மாடலில் பஜாஜ் நிறுவனம் சிங்கில் சேனல் ABS வழங்கி இருக்கிறது. இதன் மூலம் மோட்டார்சைக்கிளின் பாதுகாப்பு அதிகரித்து இருக்கிறது. இத்துடன் புதிய பிளாட்டினா 110 ABS மாடலில் டிஜிட்டல் ஸ்பீடோமீட்டர் வழங்கப்பட்டு இருக்கிறது. இதில் ABS இண்டிகேட்டர், கியர் பொசிஷன் இண்டிகேட்டர், கியர் கைடன்ஸ் போன்ற அம்சங்கள் உள்ளன. மேலும் இது பிளாட்டினா சீரிசில் விலை உயர்ந்த மோட்டார்சைக்கிள் ஆகும்.

இந்திய சந்தையில் புதிய பிளாட்டினா 110 ABS மாடல் எபோனி பிளாக், கிளாஸ் பீவ்டர் கிரே, காக்டெயில் வைன் ரெட் மற்றும் சஃபயர் புளூ என நான்கு விதமான நிறங்களில் கிடைக்கிறது. இவை தவிர புதிய பிளாட்டினா 110 மாடலில் வேறு எந்த மாற்றமும் மேற்கொள்ளப்படவில்லை. அந்த வகையில், இந்த மாடலிலும் 115.45சிசி, ஏர்-கூல்டு என்ஜின் வழங்கப்பட்டு இருக்கிறது. இந்த என்ஜின் 8.44 ஹெச்பி பவர், 9.81 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது.

இவை தவிர 17 இன்ச் அளவில் வீல்கள், டெலிஸ்கோபிக் ஃபோர்க்குகள், டூயல் ஸ்ப்ரிங்குகள், ஹாலோஜன் ஹெட்லேம்ப், எல்இடி டிஆர்எல், 11 லிட்டர் ஃபியூவல் டேன்க், செமி டிஜிட்டல் கன்சோல் வழங்கப்பட்டு இருக்கிறது. புதிய பஜாஜ் பிளாட்டினா 110 ABS மாடல் இந்திய சந்தையில் டிவிஎஸ் ஸ்டார் சிட்டி பிளஸ், ஹீரோ ஸ்பிலெண்டர் பிளஸ் மற்றும் ஹோண்டா CD 110 டிரீம் போன்ற மாடல்களுக்கு போட்டியாக அமைகிறது.

பஜாஜ் ஆட்டோ நிறுவனம் இந்திய சந்தையில் புதிய பல்சர் P150 மோட்டார்சைக்கிளை அறிமுகம் செய்து இருக்கிறது. புதிய பல்சர் P150 மாடல் சிங்கில் டிஸ்க் மற்றும் ட்வின் டிஸ்க் என இரண்டு வேரியண்ட்களில் கிடைக்கிறது. இவற்றின் விலை ரூ. 1 லட்சத்து 67 ஆயிரத்து 755 என துவங்குகிறது. இதன் சிங்கில் டிஸ்க் வேரியண்ட் சிங்கில் பீஸ் சாடில், ஃபிளாட் ஹேண்டில்பார் கொண்டிருக்கிறது.

இதன் ட்வின் டிஸ்க் வெர்ஷன் ஸ்ப்லிட் ஸ்டைல் சாடில், க்ளிப் ஆன் ஹேண்டில்பார் கொண்டிருக்கிறது. இதன் விலை ரூ. 1 லட்சத்து 19 ஆயிரத்து 757 என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய பல்சர் P150 மாடலின் ஸ்டைலிங் பல்சர் N250 மற்றும் N160 மாடலை தழுவி உருவாக்கப்பட்டு இருக்கிறது. டிசைன் அம்சங்களை பொருத்தவரை டிண்ட் செய்யப்பட்ட விண்ட்ஸ்கிரீன், பாடி கலர் ஹெட்லைட் கவுல், பாடி கலர் என்ஜின் கவுல் கொண்டிருக்கிறது. ட்வின் டிஸ்க் வெர்ஷனில் ஸ்ப்லிட் ஸ்டைல் பில்லியன் கிராப் ரெயில் கொண்டிருக்கிறது.

மெக்கானிக்கல் அம்சங்களை பொருத்தவரை 149.68சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 14.5 ஹெச்பி பவர், 13.5 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடலின் 90 சதவீத டார்க் பயன்படுத்தக்கூடிய RPM-இல் கிடைக்கும் என பஜாஜ் ஆட்டோ தெரிவித்து இருக்கிறது.

பஜாஜ் பல்சர் P150 இரண்டு வேரியண்ட்களும் - ரேசிங் ரெட், கரீபியன் புளூ, எபோனி பிளாக் ரெட், எபோனி பிளாக் புளூ மற்றும் எபோனி பிளாக் வைட் என ஐந்து வித நிறங்களில் கிடைக்கிறது. இந்த மோட்டார்சைக்கிள் முதற்கட்டமாக கொல்கத்தாவில் அறிமுகமாகி இருக்கிறது. வரும் நாட்களில் நாட்டின் மற்ற பகுதிகளிலும் இந்த மாடல் கிடைக்கும்.

பஜாஜ் ஆட்டோ நிறுவனம் இந்தியாவில் பல்சர் 125 கார்பன் ஃபைபர் எடிஷனை அறிமுகம் செய்துள்ளது. புதிய கார்பன் எடிஷன் சிங்கில் சீட் மற்றும் ஸ்ப்லிட் சீட் என இரண்டு வேரியண்ட்களிலும் கிடைக்கிறது. இந்த மாடல் புளூ மற்றும் ரெட் என இரண்டு வித நிறங்களில் கிடைக்கிறது.

புதிய பஜாஜ் பல்சர் 125 கார்பன் ஃபைபர் எடிஷன் சிங்கில் சீட் விலை ரூ. 89 ஆயிரத்து 254 என்றும் ஸ்ப்லிட் சீட் வெர்ஷன் விலை ரூ. 91 ஆயிரத்து 642 என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. இரண்டு வித நிறங்களிலும் பிளாக் பேஸ் நிறமாக வழங்கப்பட்டு இருக்கிறது. இதன் ஹெட்லைட் கௌல், பியூவல் டேன்க் மற்றும் ஷிரவுட்கள், என்ஜின் கௌல், ரியல் பேனல், வீல் ஸ்டிரைப் உள்ளிட்டவைகளில் கிராபிக்ஸ் உள்ளது.

கார்பன் ஃபைபர் கிராபிக்ஸ் பெல்லி பேன், முன்புற ஃபெண்டர், டேன்க், ரியர் கௌல் உள்ளிட்டவைகளில் இடம்பெற்று இருக்கிறது. இதன் ஒட்டுமொத்த டிசைனில் எவ்வித மாற்றமும் மேற்கொள்ளப்படவில்லை. அந்த வகையில் சிங்கில்-பாட் ஹெட்லைட், ட்வின் டிஆர்எல்கள், மஸ்குலர் ஃபியூவல் டேன்க், போல்டெட் ஷிரவுட்கள், சைடு ஸ்லங் எக்சாஸ்ட் வழங்கப்பட்டு இருக்கிறது.

மெக்கானிக்கல் அம்சங்களிலும் எந்த மாற்றமும் செய்யப்படவில்லை. இந்த மாடலிலும் 124.4சிசி, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 11.64 ஹெச்பி பவர், 10.80 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது.

பஜாஜ் நிறுவனம் இந்திய சந்தையில் 125சிசி பிரிவில் புது மோட்டார்சைக்கிளை குறைந்த விலையில் அறிமுகம் செய்து இருக்கிறது. புதிய பஜாஜ் CT125X மாடல் விலை ரூ. 71 ஆயிரத்து 354, எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடல் கிரீன் மற்றும் பிளாக், ரெட் மற்றும் பிளாக், புளூ மற்றும் பிளாக் என மூன்று வித நிறங்களில் கிடைக்கிறது.

தோற்றத்தில் பஜாஜ் CT125X பார்க்க CT110X போன்றே காட்சியளிக்கிறது. இந்த மாடலில் வட்ட வடிவம் கொண்ட ஹெட்லேம்ப் மற்றும் பல்பு இலுமினேஷன் வழங்கப்பட்டு இருக்கிறது. இதன் மீது சிறிய கௌல் மற்றும் எல்இடி ஸ்ட்ரிப் உள்ளது. இந்த பைக்கில் ஹெட்லைட் கார்டு, என்ஜின் கிராஷ் கார்டு மற்றும் லக்கேஜ் ராக் உள்ளிட்டவை வழங்கப்பட்டு இருக்கிறது.

புதிய பஜாஜ் CT125X மாடலில் 125சிசி ஏர் கூல்டு மோட்டார் வழங்கப்பட்டு இருக்கிறது. இந்த என்ஜின் 10 ஹெச்பி பவர், 11 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது. இந்த மாடலில் டெலிஸ்கோபிக் போர்க்குகள், டூயல் கியாஸ் சார்ஜ் செய்யப்பட்ட ஸ்ப்ரிங்குகள் வழங்கப்பட்டு இருக்கிறது.

பிரேக்கிங்கிற்கு 240 மில்லிமீட்டர் டிஸ்க் அல்லது ஆப்ஷனல் 130 மில்லிமீட்டர் டிஸ்க் வழங்கப்பட்டு உள்ளது. பின்புறம் 130 மில்லிமீட்டர் டிரம் பிரேக் உள்ளது. 17 இன்ச் அலாய் வீல்களை கொண்டிருக்கும் பஜாஜ் CT125X மாடலில் முன்புறம் 80/100 பின்புறம் 100/90 ரக டயர்கள் வழங்கப்பட்டு உள்ளது. 

பஜாஜ் ஆட்டோ நிறுவனம் இந்திய சந்தையில் பல்சர் 180 மாடல் விற்பனையை நிறுத்தி விட்டது. இந்த மாடல் பஜாஜ் ஆட்டோ வலைதளத்தில் இருந்தும் நீக்கப்பட்டு விட்டது. திடீரென இந்த மாடல் நீக்கப்பட்டதற்கான காரணம் குறித்து பஜாஜ் சார்பில் இதுவரை எந்த தகவலும் வழங்கப்படவில்லை.

பல்சர் சீரிசில் முதன் முதலில் அறிமுகம் செய்யப்பட்ட மாடல் பல்சர் 180. பிஎஸ் 6 புகை விதிகள் அமலுக்கு வந்த போது, 2019 ஆண்டு வாக்கில் முதல் முறையாக இந்த மாடல் விற்பனை நிறுத்தப்பட்டது. இத்துடன் பல்சர் 180F விற்பனையும் நிறுத்தப்பட்டது. இதைத் தொடர்ந்து கடந்த ஆண்டு பிப்ரவரி மாத வாக்கில் பல்சர் 180 மாடல் மீண்டும் அறிமுகம் செய்யப்பட்டது.

பஜாஜ் பல்சர் 180 மாடலில் 178.6சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு இருக்கிறது. இந்த என்ஜின் 17 ஹெச்பி பவர், 14.2 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டு உள்ளது. உபகரணங்களை பொருத்தவரை பஜாஜ் பல்சர் 180 மாடலில் ஹாலோஜன் ஹெட்லேம்ப், எல்இடி டெயில் லேம்ப், டிஜி-அனலாக் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது.

இத்துடன் டெலிஸ்கோபிக் போர்க், மோனோஷாக் சஸ்பென்ஷன், பிரேக்கிங்கிற்கு 280 மில்லிமீட்டர் முன்புற டிஸ்க், பின்புறம் 230 மில்லிமீட்டர் டிஸ்க் மற்றும் சிங்கில் சேனல் ஏபிஎஸ் வழங்கப்பட்டு உள்ளது.